BONGO CELEBRITY

All You Wanted To Know But Didn’t Know How and Where

MZEE GODWIN KADUMA HATUNAYE TENA. September, 27, 2007

Filed under: Breaking News,Developing News,Filamu/Movie,Sanaa/Maonyesho,Utamaduni — bongocelebrity @ 10:49 AM

 

Habari za kusikitisha zilizotufikia ni kwamba gwiji la sanaa za maonyesho nchini Tanzania Mzee Godwin Zilaoneka Kaduma hatunaye tena duniani.Habari hizo zinazidi kupasha kwamba mauti imemfika Mzee Kaduma katika hospitali ya Muhimbili alipokuwa amelazwa ajili ya matibabu zaidi.Alikuwa anasumbuliwa na ugonjwa wa kupooza(stroke).

Msiba upo nyumbani kwake Bagamoyo jirani na Chuo Cha Sanaa Bagamoyo. Heshima za mwisho kwa walio Dar-es-salaam zitatolewa kesho (Ijumaa) saa nne asubuhi habari zaidi zinasema heshima za mwisho kwa marehemu mzee Kaduma kwa walio Dar es salaam zitatolewa kesho saa nne asubuhi hospitali ya Muhimbili kabla mwili wake kusafirishwa kwenda nyumbani kwake Bagamoyo na kisha baada ya kuagwa saa nane mchana utapelekwa kijijini kwake Itamba, Iringa, kwa mazishi.

Marehemu Kaduma enzi za uhai wake pia aliwahi kuwa Mkurugenzi wa Idara ya Sanaa la Lugha ambayo kwa sasa imebadilishwa na kuwa Idara ya Maendeleo ya Utamaduni ambapo baada ya kustaafu nafasi yake ilichukuwa na Dr. Daniel Ndagala.

Baada ya kustaafu serikalini marehemu Kaduma aliendelea na shughuli za sanaa akiwa kama kiongozi na mtendaji katika sanaa za maonesho zikiwemo ngoma na maigizo. Alikuwa mwanzilishi wa Kituo cha Sanaa za Maonyesho Tanzania (TzTC) na Taasisi ya Sanaa za Maonyesho Mashariki mwa Afrika (EATI) ambapo pia alikuwa Katibu Mtendaji wa kwanza wa asasi hizo.

Aliamua kupumzika kuzitumia asasi hizo mwaka 2003, ambapo aliendelea na shughuli zale za kawaida za kufundisha masuala ya sanaa katika Chuo cha Sanaa Bagamoyo akiwa kama mkufunzi mualikwa katika Idara ya Tamthiliya ambapo alikuwa akifundisha somo la uandishi wa michezo ya kuigiza kazi aliyokuwa anaendelea kuifanya mpaka mauti ilipomfika.

Kwa mara ya mwisho, marehemu Kaduma alifanya onyesho akiwa msanii wa kujitegemea mwezi Juni mwaka huu, wakati wa semina maalum ya kamati ya Bunge ya Huduma za Jamii, iliyoandaliwa na Mfuko wa Utamaduni Tanzania ambapo alitamba shairi lililoitwa Naililia Tanzania. Mungu ailaze roho yake mahali pema peponi.

Picha kwa hisani ya Chemi Che Mponda ambaye mapema mwaka huu alipata fursa ya kuongea mengi na marehemu Mzee Kaduma.

 

3 Responses to “MZEE GODWIN KADUMA HATUNAYE TENA.”

  1. Dinah Says:

    Mungu awajaalie uvumilivu ktk kipindi hiki kigumu.

    Mungu alitoa na ametwaa. Jina lake litukuze. Amina.

  2. Mija Sayi Says:

    Bado siamini kama ametutoka. Mungu amlaze mahali pema peponi. Amina.

  3. Johan Soderberg Says:

    It was these sad news that made me find your website…

    It most certainly wasn´t “what I like to know” but thank you for posting it.
    And thank you for sharing the news with respect for Mzee Kaduma.

    Greeting from Sweden.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s