BONGO CELEBRITY

All You Wanted To Know But Didn’t Know How and Where

MWANAHAWA ALLY NA VIUMBE WAZITO April, 5, 2008

Filed under: Burudani,Taarab,Utamaduni,Weekend Special — bongocelebrity @ 10:43 AM

Mwanahawa Ally(pichani) ni miongoni mwa waimbaji Taarabu maarufu nchini Tanzania. Mojawapo ya nyimbo zake ambazo zinajulikana sana ni kama ule wa Viumbe Wazito Part 1 na Part 2. Unaweza kutizama video za nyimbo hizo kwa kubonyeza hapa na hapa. Je Mwanahawa anapoimba kuhusu Viumbe Wazito anamaanisha nini haswa?

Advertisements
 

BI.KIDUDE NDANI YA DAR IJUMAA HII February, 27, 2008

Filed under: Burudani,Muziki,Sanaa/Maonyesho,Taarab,Watu na Matukio — bongocelebrity @ 2:56 PM

 

WASANII maarufu wa muziki wa taarab nchini, Bi Kidude(pichani) na Shakila Said ni miongoni mwa wasanii watakaotumbuiza katika tamasha la mwaka mmoja la kundi la muziki huo la Jahazi Modern Taarab litakalofanyika Ijumaa jijini Dar es Salaam.Kwa undani zaidi wa habari hii bonyeza hapa. Hii ni fursa nzuri kwa wapenzi wa muziki wa taarab na pia Bi.Kidude na Shakila Said kwenda kuwaona.

 

MTUME JAPO NJIWA! November, 9, 2007

Filed under: Burudani,Muziki,Taarab,Tanzania/Zanzibar,Weekend Special,Zilipendwa — bongocelebrity @ 12:41 AM

Ijumaa nyingine imewadia.Leo unapanga kufanya nini?Unapanga kwenda wapi kujiliwaza baada ya wiki nzima ya mihangaiko ya hapa na pale kimaisha?Ni wazi kwamba siku hazifanani na kama alivyosema Lady JayDee,siku pia hazigandi.Ni muhimu kupata muda wa kupumzika japo siku moja kwa wiki.Inaweza ikawa sio ijumaa jioni kama ambavyo wengi tumezoea.Inaweza kuwa siku yoyote ya wiki, ni uamuzi wako.

Wakati mipango hiyo ikiendelea,baadhi yenu mmekuwa mkiuliza mbona muziki wa mwambao haupewi nafasi ndani ya BC?Msitie shaka kwani BC haina sera za upendeleo na kwa maana hiyi leo hatuna budi kutimiza haja hiyo ya wapenzi wa muziki wa mwambao.Huu ni muziki ambao huuwezi kuutenganisha na Tanzania hata kidogo.Anayetuburudisha hivi leo ni Patricia Hillary na kibao chake maarufu cha Njiwa.Kama uko mbali na wale uwapendao,wale wakufaao maishani,mtume japo njiwa akupelekee zako salamu.Ijumaa Njema!

 

“MIPASHO” MAANA YAKE NINI? November, 5, 2007

Filed under: Burudani,Sanaa/Maonyesho,Taarab,Tanzania/Zanzibar,Zilipendwa — bongocelebrity @ 12:57 AM

 

Muziki wa mwambao una aina kadha wa kadha.Wataalamu wa muziki wa aina hiyo wanaweza kukuambia mengi kuhusu aina hizo na pia jinsi gani unaweza kuitofautisha kutokana na midundo,mashairi, muonekano wa waimbaji wake nk.

Aina mojawapo iliyojipatia umaarufu sana kipindi cha nyuma kidogo ilikuwa inajulikana kama mipasho”. Neno hili mpaka hivi leo bado tafsiri yake haiko wazi.Jambo moja ambalo lipo wazi ni kwamba kwenye muziki wa mwambao ambao wengi wetu tunaufahamu kwa kifupi tu kama Taarab, majina ya Nasma Khamisi Kidogo (pichani kushoto) na Bi.Khadija Omar Kopa (pichani kulia) ni majina ambayo wapenzi wa muziki huo na watanzania kwa ujumla wanayatambua fika. Kuna wakati “upinzani” baina yao ulikuwa ni kama ule wa Yanga na Simba. Jambo moja ambalo wengi tulikuwa hatujui ni kwamba magwiji hawa wa muziki wa taarabu ni marafiki na kilichokuwa kinatendeka kwenye majukwaa na katika mashairi ilikuwa ni hali halisi ya usanii uliokomaa. Hivi neno “mipasho” lina maana gani?

 

PATRICIA HILLARY, MALIKIA WA TAARABU ENZI HIZO October, 31, 2007

Filed under: Burudani,Muziki,Sanaa/Maonyesho,Taarab,Utamaduni — bongocelebrity @ 4:19 PM

 

Miongoni mwa nyimbo zenye mahadhi ya mwambao zilizotokea kupendwa sana ni ule uliojulikana kama “Njiwa” uliokuwa na mashairi yenye maneno kama “ewe njiwa,ewe njiwa,peleka salamu”. Mwimbaji wa wimbo huo alikuwa ni Patricia Hillary, malikia wa taarabu enzi hizo. Pichani ni Patricia Hillary akifanya vitu vyake. Patricia bado anajishughulisha na muziki na kuna habari kwamba amevirudia upya vibao vyake vilivyotamba enzi hizi ambavyo bado vinapendwa na wengi.

 

“SIWEZI KUACHA KUIMBA”-BI. KIDUDE August, 10, 2007

Filed under: Muziki,Taarab — bongocelebrity @ 12:56 PM

Kama binadamu anaweza kufikia kupewa heshima ya kuwa “taasisi”(institution) katika jambo fulani basi Bi.Kidude anaweza kuwa mmojawapo. Ukiiweka mezani historia ya muziki wa taarabu na tamaduni za unyago visiwani Zanzibar ni wazi kwamba katika meza hiyo pembeni yake ni lazima aketi Bi.Kidude. Uzoefu na uelewa alionao katika idara hiyo hauna mpinzani. Inaaminika kwamba ndiye mwanamke,mwimbaji mkongwe kupita wote Afrika Mashariki na Kati.

Picha hii ni kwa hisani ya Marcel Mutsaers aliyompiga Bi.Kidude wakati wa Tamasha lijulikanalo kama Festival Mundial kule Tilburg-Uholanzi mwezi June mwaka 2006.

Umri wake halisi haujulikani. Kinachojulikana ni kwamba ana umri zaidi ya miaka 90 na hivi sasa sio ajabu akawa ameshafikisha umri wa miaka 100! Amekuwa muimbaji tangu miaka ya 1920 akiwa ni mfuasi wa Sitti Bin Saad mmojawapo wa waimbaji wa mwanzo kabisa wa taarabu visiwani Zanzibar. (more…)